58找到和失去

    「尚！！！」流主从昏迷中苏醒过来

    流主终於醒来，传输器成功把他的记忆恢复了！

    「流主！！」众人也大为紧张

    阿宝马上问：「点呀？记唔记得返啲嘢呀？？」

    流主的眼神仍然有点恍惚：「啊．．．嗯．．．」

    鹰追问：「咁你记得啲咩呀？」

    流主俯首沉思了一下说：「．．．．．．同你地估计嘅无咩太大出入．．．最重要系，我知道伊甸园创造器喺边啦。」

    众人闻言便急不及待立即动身，跟着流主走到刚才那一条辐S指数甚高的走廊前。

    流主指着走廊尽头的电子门说：「伊甸园创造器就收埋喺入面。」

    锁匙萱惆怅说：「依度辐S咁高高，得孖孖入到去．．．但系孖孖又开唔到个电子锁．．．」

    孖根问：「流主，你系咪记得密码啦？」

    流主点一点头说：「嗯．．．密码系Apple。」

    「个密码系Apple！？」阿宝大感意外

    「嗯．．．」流主不好意思地点一点头

    鹰感难以置信说：「收埋伊甸园创造器间房嘅高级电子锁嘅密码系Apple？」

    流主不禁苦笑：「是但啦．．．快啲入去拎啦！」

    孖根没有跟他们七嘴八舌，她早已走到门前，在电子锁上输入密码。果然，电子门立即「嗖」一声趟开。一个刻有「G.E.C.K.」字样的白sE金属公